ABŞ-ın keçmiş prezidenti Donald Trampın İranla bağlı sərt qərarlar verməsində əsas rol oynayan şəxsin kimliyi açıqlanıb.
1xeber.media xəbər verir ki, bu barədə “Wall Street Journal” yazıb.
Məlumata görə, Trampı İrana hücuma inandıran əsas fiqur Respublikaçı senator Lindsey Qraham olub.
Senator Qraham Trampa İranın nüvə proqramı və regiondakı fəaliyyətlərinin ABŞ üçün ciddi təhlükə yaratdığını bildirib. O, hərbi güc tətbiqinin labüdlüyünü vurğulayaraq Trampı bu istiqamətdə hərəkətə keçməyə təşviq edib.
Lindsey Qraham əvvəllər Trampın tənqidçilərindən biri olsa da, sonradan onun yaxın siyasi müttəfiqlərindən birinə çevrilib. O, xüsusilə xarici siyasət məsələlərində – Rusiya sanksiyaları, Ukraynaya dəstək və Yaxın Şərq strategiyasında Tramp administrasiyasına təsir göstərən əsas simalardan sayılır.
Xəbərdə diqqətçəkən digər məqam isə Türkiyə ilə bağlı detaldır. Qrahamın, regionda güc balansının dəyişməsi və Ankaranın mövqeyinin nəzərə alınması gərəkdiyini xüsusi vurğuladığı qeyd olunur.
