Belarus Prezidenti Aleksandr Lukaşenko müxtəlif cinayətlər, o cümlədən ekstremist cinayətlər törətmiş 16 nəfəri əfv edib.
1xeber.media xəbər verir ki, bu barədə Lukaşenkonun mətbuat xidmətinə yaxın “Pul Pervoqo” Teleqram kanalı məlumat yayıb.
Məlumata görə, əfv olunanların 8-i qadın, 8-i kişidir:
“Onlardan üçünün yaşı 50-dən yuxarı, ikisinin xroniki xəstəliyi var, biri isə əlildir. Daha 9 məhkumun azyaşlı uşaqları var. Əfv olunanların hamısı törətdikləri cinayətlərdən peşman olub və gələcəkdə qanunu pozmayacaqlarına söz verib”.
