1xeber.media xəbər verir ki, ABŞ Avropa İttifaqını (Aİ) kənd təsərrüfatı məhsulları ixracına 17 faizlik yeni tariflərlə hədələyib. Bu barədə Financial Times (FT) mənbələrə istinadən məlumat yayıb.
Məqalədə deyilir: “Birləşmiş Ştatlar Aİ-dən kənd təsərrüfatı məhsulları ixracına 17 faizlik gömrük rüsumları tətbiq etməklə hədələyib ki, bu da onun Brüssellə ticarət münaqişəsinin kəskin artmasıdır”.
Qeyd olunur ki, ABŞ prezidenti Donald Tramp Aİ-nin ABŞ-a geniş faydalar verməsini və ticarət profisitini azaltmasını istəyir. Müvafiq tələblər cümə günü, iyulun 4-də Aİ ölkələrinin səfirlərinə çatdırılıb.
Bundan əvvəl Almaniyanın keçmiş kansleri Angela Merkelin keçmiş baş iqtisadi müşaviri Lars-Hendrik Röller demişdi ki, Avropa iqtisadi, müdafiə və hətta təhlükəsizlik baxımından ABŞ-dan çox asılı olaraq qalır. Onun sözlərinə görə, Tramp bu zəifliklərdən uğurla istifadə edir.
