1xeber.media xəbər verir ki, Avropa İttifaqı Rusiya neftinin qiymət tavanını daha da aşağı salmaq istiqamətində ehtiyatlı addım atıb.
Agentliyin məlumatına görə, üzv dövlətlər Rusiya neftinin qiymət həddinin bir barel üçün 60 dollardan 50 dollara endirilməsi ilə bağlı yeni təklifi nəzərdən keçirirlər. Limitin bazar qiymətlərindən 15 faiz aşağı səviyyədə müəyyən edilə biləcəyi vurğulanır. On həftə ərzində onların orta dəyəri nəzərə alınacaq.
Bu təkliflər hazırda Slovakiya tərəfindən bloklanan 18-ci sanksiyalar paketinin bir hissəsidir. Bratislava Rusiya qazından tədricən imtina məsələsində Brüsseldən güzəştlər istəyir. Belə bir vəziyyətdə Avropa Komissiyasının Slovakiyaya 18-ci məhdudiyyətlər paketinin qəbuluna mane olan vetonu aradan qaldıracağı təqdirdə ona müəyyən təminatlar verməyə hazır olduğu iddia edilir.
Daha əvvəl bildirilmişdi ki, Estoniya Aİ-nin Rusiyaya qarşı növbəti məhdudlaşdırıcı tədbirlər paketinin Rusiya neftinin qiymətinin aşağı salınmasını nəzərdə tutmayacağı təqdirdə qəbulunu əngəlləməklə hədələyib.
