1xeber.media xəbər verir ki, Ermənistan hökuməti Avropa İttifaqı ilə əməkdaşlığı dərinləşdirmək niyyətindədir, Baş nazir Nikol Paşinyan bazar ertəsi Parisdə Fransa prezidenti Emmanuel Makronla görüşündə bildirib.
"Həmsöhbətlər Ermənistan-Fransa münasibətlərinin gündəliyində duran bir sıra məsələləri, o cümlədən birgə proqramların həyata keçirilməsini müzakirə ediblər. Baş nazir Paşinyan bu gün Brüsseldə keçirilən müzakirələrə toxunub, Ermənistan hökumətinin Aİ ilə əməkdaşlığı dərinləşdirməyə sadiqliyini vurğulayıb", - Ermənistan hökumətinin mətbuat xidməti bildirib.
Paşinyan və Makron regional əhəmiyyətli məsələlər ətrafında da fikir mübadiləsi aparıblar.
Görüşdə Paşinyan Makronu Fransanın milli bayramı münasibətilə təbrik edib, Makron isə Ermənistanla çoxtərəfli əməkdaşlığın inkişafı və dərinləşdirilməsinə sadiqliyini vurğulayıb.
Paşinyan bazar ertəsi səhər saatlarında Brüsselə işgüzar səfər edib.
