İyulun 25-dən avqustun 6-dək Gürcüstanda NATO-nun “Agile Spirit 2025” çoxmillətli təlimi keçiriləcək.
1xeber.media xəbər verir ki, bu barədə bazar ertəsi, iyulun 14-də ölkənin Müdafiə Nazirliyinin saytında məlumat verilib.
“Gürcüstanda planlaşdırılan “Agile Spirit 2025” təlimləri Gürcüstan Müdafiə Qüvvələrinin Qərb Komandanlığı və ABŞ Milli Qvardiyası tərəfindən birgə keçiriləcək”, - məlumatda deyilir.
Manevrlərin əsas elementlərinin komanda-qərargah birliyi, Senaki-Vaziani avtomobil yolunun hissəsində gürcü-amerikan taktiki karvanı və canlı atəş təlimi olacağı dəqiqləşib.
