Rusiyanın xarici işlər naziri Sergey Lavrov və onun hindistanlı həmkarı Subrahmanyam Caishankar ikitərəfli strateji tərəfdaşlıq əlaqələrinin intensivləşdirilməsinə sadiq olduqlarını təsdiqləyiblər.
1xeber.media xəbər verir ki, bu barədə Rusiya Xarici İşlər Nazirliyi iyulun 15-də departament rəhbərlərinin görüşündən sonra məlumat verib.
“Xarici siyasət idarələrinin rəhbərləri çoxşaxəli Rusiya-Hindistan xüsusi imtiyazlı strateji tərəfdaşlığının bütün səviyyələrdə daha da intensivləşdirilməsinə dair qarşılıqlı öhdəliklərini təsdiqləyiblər”, - Rusiya XİN-in saytında deyilir.
Qeyd olunur ki, nazirlər Ukrayna ətrafındakı vəziyyəti, Yaxın Şərqi və qarşıdakı təmasların cədvəlini müzakirə ediblər.
