Müasir dünyada, texnologiya əsrində Ağstafa rayonu sovet əyyamına qayıdıb. Belə ki, rayon icra başçısı Seymur Orucovun tapşırığı əsasında Ağstafada iməcilik təşkil olunub.
1xeber.media Tribunainfo.az-a istinadla xəbər verir ki, rayonun müəssisə, idarə və təşkilatlarının kollektivləri bu iməclikdə iştirak ediblər.
İməcilik zamanı Ağstafa şəhərinin prospekt və küçələrində, park və xiyabanlarında səliqə-sahman işləri aparılıb. Fotodan da göründüyü kimi, idarə işçilərinə küçə süpürdü, ağacları suladırlar. Bundan əlavə, Bakı-Qazax avtomobil yolu və dəmir yolu xəttinin rayon ərazisindən keçən hissələri boyunca təmizlik işləri də həyata keçirilib. RİH bu işi elə piar edib, sanki yaxşı əməldir. Axı dünyanın hansı dövrüdür ki, iməclik keçirib idarə işçilərinə rayonu təmizlətdirəsən?! Əslində, bu insan hüquqlarının pozulmasıdır. Çünki birbaşa rayon rəhbərinin əmri ilə dövlət işçiləri təmizlik işlərinə cəlb olunur… Yəni bu könüllü hal deyil. İcra başçısı yaşlı olmasa da, görünür ki, sovet təfəkkürünü daşımaqdadır.
