Rusiya və Ukrayna arasında danışıqların üçüncü raundunun konkret razılaşdırılmış tarixləri hələ ki, yoxdur.
1xeber.media xəbər verir ki, bu barədə RİA Novosti Türkiyə prezidenti Rəcəb Tayyib Ərdoğanın ofisinə istinadən məlumat yayıb.
"Hələlik konkret, razılaşdırılmış tarixlə bağlı məlumat yoxdur. Əgər belə bir məlumat olarsa, bu barədə məlumat veriləcək", - Türkiyə liderinin administrasiyasının nümayəndəsi agentliyə bildirib.
Bundan əvvəl Independent Türkce nəşri Rusiya və Ukrayna nümayəndələrinin yeni görüşünün iyulun 23 və ya 24-də baş tuta biləcəyini yazıb.
Bundan əvvəl Rusiya danışıqlar qrupuna yaxın mənbə bildirib ki, Ukrayna Rusiyaya bu həftə danışıqların növbəti raundunu təşkil etməyi təklif edib. Eyni zamanda, daha əvvəl TASS agentliyinə başqa bir mənbə bildirib ki, onların keçirilmə tarixi barədə hələlik məlumat yoxdur.
