ABŞ prezidenti Donald Tramp şirkətləri Rusiya neftini almağa davam edən ölkələrin mallarına 100 faiz rüsum tətbiq edəcək.
1xeber.media xəbər verir ki, bunu “Fox News” telekanalında senator Lindsi Qrem deyib.
Onun sözlərinə görə, Çin, Hindistan və Braziliya kimi ölkələr xammal almaqla Moskvanı maliyyələşdirməyi dayandırmasalar, cəzalandırılacaqlar. Rusiya neftinin təxminən 80 faizi onların payına düşür. Qrem onlara müraciət edərək, "Biz sizə tarifləri tam şəkildə tətbiq edəcəyik və iqtisadiyyatlarınızı əzəcəyik" dedi.
Bundan əvvəl Ağ Ev rəhbərinin özü Rusiyadan gələn mallara 100 faizlik tariflər tətbiq etmək niyyətindən və Rusiya neftini alan ölkələrə qarşı ikinci dərəcəli sanksiyalardan danışıb.
Bir həftə əvvəl Tramp Ukraynada atəşkəslə razılaşmaq üçün Moskvaya 50 gün vaxt vermişdi. O, belə bir addım atmaq istəmədiyini vurğulayaraq, tərəflərin razılığa gələ biləcəyinə ümid etdiyini bildirib.
Son həftələr ABŞ prezidenti Moskvanın mövqeyindən açıq şəkildə narazılığını ifadə edərək, ən yüksək səviyyədə deyilən bütün düzgün və gözəl sözlərin heç nəyə gətirib çıxarmadığına işarə edib.
Bundan əvvəl ölkənin neft naziri Hardeep Singh Puri bildirmişdi ki, ABŞ Rusiya neftinin alışına rüsumlar tətbiq edərsə, ölkə heç bir problem olmadan başqa təchizatçılara keçəcək. Onun sözlərinə görə, əvvəllər Rusiyanın idxalda payı iki faizi ötmürdü, ona görə də Hindistan şirkətləri sadəcə olaraq əvvəlki sxemlərinə qayıdacaqlar.
