1xeber.media 7NEWS.az-a istinadla xəbər verir ki, bu ilin may ayında İmişli rayonunda 9 May - Faşizm Üzərində Qələbə Günü münasibətilə keçirilən tədbirdə maraqlı hadisə qeydə alınmışdı.
Tədbirin keçirildiyi xiyabanda Azərbaycan dövlət bayrağı ilə yanaşı, keçmiş SSRİ bayrağı da dalğalanıb. Üstəlik, "Den Pobedı" ("Qələbə Günü") sovet mahnısı da səsləndirilib.
Həmin görüntülər sosial şəbəkələrdə birmənalı qarşılanmayıb. Bu faktı qınayanlar çoxluq təşkil edib. Daha sonra Faşizm üzərində Qələbə Gününə həsr olunmuş tədbirdə SSRİ bayrağı altında, sinəsində rus imperiyasının rəmzi olan "Georgi lenti" ilə çıxış edən İmişli Rayon Ağsaqqallar Şurasının keçmiş sədri Saleh Səmədov həbs edildi.
Bundan dərs çıxarmayan bəzi özəl şirkətlər SSRİ-ni təbliğ etməkdə israrlıdırlar. Belə ki, yüzlərlə şagirdi öz ətrafında birləşdirən məşhur "CELT" kursları builki lagerlərini "Pioner lageri" adlandırıb və klassik şəkilləri paylaşıblar. Sözügedən məsələ ilə bağlı aidiyyatı qurumlara sorğu göndərəcəyik. Belə bir həssas məqamda şirkətin atdığı addım anlaşılan deyil. Görünən odur ki, şirkətin SSRİ sevgisi fəakiyyətlərinə də təsir edib. Məsələni gündəmdə saxlayacağıq.
