Çeçenistan lideri Ramzan Kadırov Türkiyənin Bodrum bölgəsində dənizdə boğulma təhlükəsi ilə üzləşib. Sahil mühafizəsi dərhal müdaxilə edib və Kadırovu sudan çıxarıb. O, təcili tibbi yardım maşını ilə xəstəxanaya çatdırılıb.
Bəzi iddialara görə, bu, Çeçenistan liderinə qarşısui-qəsd cəhdi də ola bilər. Lakin hadisənin təfərrüatları tam olaraq məlum deyil.
Globalinfo.az-a danışan politoloq Vəli Əlibəyov deyib, Ramzan Kadırovun boğulması faktını sui-qəsd kimi qiymətləndirmək düzgün olmaz:
“Bu, daha çox təsadüfi hadisədir. Normalda belə yüksək səviyyəli şəxslərin təhlükəsizliyi çox ciddi şəkildə təmin edilir və istənilən sui-qəsd cəhdini həyata keçirmək çətin olur. Lakin Kadırova qarşı sui-qəsd cəhdi olsaydı, bu, uğurla nəticələnə bilərdi.
Vəli Əlibəyovun sözlərinə görə, hazırda ən böyük problem Rusiyanın beynəlxalq arenada yaranmış vəziyyətidir:
“Rusiya hazırda bir çox ölkələr tərəfindən düşmən kimi qəbul edilir. Bu da onun mövqeyinə ciddi təsir göstərir. Özünü dünyanın ən güclü və nüfuzlu dövləti kimi təqdim etsə də, reallıqda imici ciddi şəkildə zədələnib. Beləliklə, Rusiyanın daxili və xarici siyasətindəki ziddiyyətlər, həmçinin müttəfiqləri ilə münasibətləri gərginləşir”.
Politoloq həmçinin qeyd edib ki, Çeçenistan rəhbərinin istirahət üçün Türkiyəni seçməsi maraqlı məqamdır:
“Kadırovun seçimi xüsusilə diqqət çəkir. Moskvanın regiondakı təsirinin dəyişə biləcəyinə dair siqnal ola bilər. Rusiya dünyanın ən yaxşı ölkəsi kimi özünü qələmə versə də, Kadırov istirahət üçün məhz Türkiyəni seçib”.
