ABŞ prezidenti Donald Tramp müttəfiqləri ilə söhbətində rusiyalı həmkarı Vladimir Putinin Ukrayna münaqişəsinin həlli çərçivəsində ərazilərin mübadiləsinə hazır ola biləcəyini etiraf edib.
1xeber.media xəbər verir ki, bu barədə mənbələrə istinadən Bloomberg məlumat yayıb.
Mənbələrin məlumatına görə, Amerika lideri xüsusi elçisi Steven Witkoffun Moskvaya səfərindən sonra ABŞ müttəfiqləri ilə söhbət edib. Söhbət zamanı Tramp Ukraynada atəşkəs perspektivlərini müsbət qiymətləndirib.
Agentliyin həmsöhbətləri həmçinin bildiriblər ki, Ağ Ev rəhbəri guya müttəfiqləri ilə söhbətində rusiyalı həmkarının sülh danışıqlarına başlamağa hazır olduğunu etiraf edib. Mənbələrin məlumatına görə, Tramp danışıqlara başlamaq üçün Rusiyanın əsas şərti kimi ərazilərin dəyişdirilməsi məsələsinin müzakirəsini adlandırıb.
Bundan əvvəl Rusiya liderinin beynəlxalq məsələlər üzrə köməkçisi Yuri Uşakov bildirmişdi ki, Putinlə amerikalı həmkarı arasında görüş şərti olaraq gələn həftə baş tutacaq.
