Ət dükanlarının fəaliyyətinə Yasamal icra hakimiyyətinin icazə verdiyi bildirilir
Keçən il paytaxtın Yasamal rayonun Məhəmməd Xiyabani küçəsində yerləşən qanunsuz kafelər və ət dükanları ləğv edildi. Yasamal rayon İcra Hakimiyyəti və digər əlaqədar qurumların əməkdaşları bir gecənin içndə ərazidə fəaliyyət göstərən kafe-kababxanaları sökdülər. Qeyd edək ki, M. Xiyabani küçəsində fəaliyyət göstərən kafelər əsasən Füzuli və Cəbrayıl rayonundan olan məcburi köçkünlər tərəfindən inşa edilərək fəaliyyət göstərirdi.
1xeber.media AzFakt.com-a istinadla xəbər verir ki, hazırda isə Yasamal rayon Məhəmməd Xiyabani küçəsində bir neçə ət dükanı yenədə qanunsuz fəaliyyətini davam etdirir.
Məlumata görə ət dükanlarının fəaliyyətinə icazəni Yasamal rayon İcra Hakimiyyəti verib.Belə ki, bu dükanların hər ay icra hakimiyyətinə hesab verdiyi iddia olunur.
Məsələ ilə bağlı Yasamal rayon İcra Hakimiyyətinin mövqeyini dərc etməyə hazırıq.
