ABŞ-ın quru qoşunları avqustda “Qartal tərəfdaşı-2025” birgə erməni-amerikan təlimləri çərçivəsində Ermənistanda olacaq.
1xeber.media xəbər verir ki, bu barədə Factor.am Respublika Müdafiə Nazirliyinə istinadən xəbər verir.
Bildirilir ki, təlimlər avqustun 12-dən 20-dək Ermənistan ərazisində beynəlxalq sülhməramlı missiyalarda iştiraka hazırlıq çərçivəsində keçiriləcək. Təlimlərə Ermənistan Silahlı Qüvvələrinin sülhməramlı briqadasının, ABŞ-ın Avropa və Afrikadakı quru qoşunlarının, eləcə də Kanzas Milli Qvardiyasının hərbçiləri cəlb olunacaq.
Təlimlərin keçirilməsində məqsəd bölmələrin əməliyyat qabiliyyətinin səviyyəsinin artırılması, idarəetmə və taktiki rabitə sahəsində təcrübə mübadiləsinin aparılması, o cümlədən Ermənistan ordusunun sülhməramlı bölmələrinin döyüş hazırlığının artırılmasıdır.
Təlimlər 2023-cü ildən mütəmadi olaraq keçirilir.
Avqustun 11-də Ermənistan və Azərbaycan Xarici İşlər Nazirlikləri ABŞ-ın vasitəçiliyi ilə Bakı və İrəvan arasında paraflanmış sazişin tam mətnini dərc ediblər. Sənəddə xüsusilə iki respublika arasında diplomatik münasibətlər qurmaq istəyi və bir-birinə qarşı ərazi iddialarının olmaması göstərilir.
