Böyük Britaniyanın keçmiş baş naziri Toni Bleyr və ABŞ prezidenti Donald Trampın kürəkəni Cared Kuşner Qəzza zolağında müharibədən sonrakı idarəçiliklə məşğul olacaqlar.
1xeber.media xəbər verir ki, bu barədə “Axios” Ağ Evdəki mənbələrə istinadən məlumat yayıb.
Portalın məlumatına görə, Bleyr və Kuşner Qəzza üçün müharibədən sonrakı idarəetmə planı üzərində işi aktivləşdirmək üçün Amerika liderinin xeyir-duasını alıb. Planın əsas elementinin İsrail və ABŞ-ın fundamental mövqeyi olan Fələstinin radikal HƏMAS hərəkatının anklavdakı siyasi proseslərdən tamamilə uzaqlaşdırılması olduğu vurğulanır.
Portal qeyd edir ki, Bler və Kuşner Qəzza zolağına kimin rəhbərlik edəcəyinə və orada təhlükəsizliyin təmin olunmasına hələ qərar verməyib. Planın hazırlanması uzun müddət çəkə bilər, lakin Ağ Ev İsrailin anklavdakı hərbi əməliyyatını başa vurana kimi onun hazır olacağını gözləyir.
Bundan əvvəl Misir Qəzza zolağına göndəriləcək fələstinli əsgər və zabitləri hazırlamağa başlayıb. Belə bir demarşla Qahirə Qəzzada özünüidarəyə və Fələstin Muxtariyyətinə qarşı olan İsrailə qarşı gedəcək.
