1xeber.media xəbər verir ki, İtaliyanın baş naziri Giorgia Meloni “istəklilər koalisiyası”nın konfransında NATO Nizamnaməsinin 5-ci maddəsinə əsaslanan Ukrayna üçün kollektiv müdafiə mexanizmi təklifini təqdim edib və Ukraynaya qoşun yeritməkdən danışıb.
Meloni görüşdə videoformatda iştirak edib. O, Ukraynaya qoşun yeritmək ehtimalını dəyərləndirib və ölkənin bu cür hərəkətlərə hazır olmadığını bildirib.
"Prezident Meloni İtaliyanın Ukraynaya qoşun göndərmək istəmədiyini təsdiq edərək, Ukraynadan kənarda monitorinq və təlim təşəbbüsləri vasitəsilə potensial atəşkəs rejimini dəstəkləməyə açıq olduğunu nümayiş etdirdi", - Çiqi hökumət sarayının bəyanatında deyilir.
Parisdə “istəklilər koalisiyası”nın iclası keçirilib. ABŞ prezidentinin xüsusi nümayəndəsi Stiv Vitkoffun Ukraynaya qoşun göndərilməsinin müzakirə olunduğu tədbiri başlayandan 45 dəqiqə sonra tərk etdiyi məlum olub.
