Amerikalı sahibkar İlon Mask bildirib ki, 2026-cı ildə onun Neuralink şirkəti tamamilə kor bir insanın görmə qabiliyyətini bərpa edəcək əməliyyat həyata keçirə bilər.
1xeber.media xəbər verir ki, bu barədə Mask X sosial şəbəkəsində yazıb.
“Biz gələn il tamamilə kor bir insanın görmə qabiliyyətini (qismən) bərpa etməyi qarşımıza məqsəd qoymuşuq”, - deyə biznesmen bildirib.
O, müvafiq nəşri şirkətin Kanadada iki əməliyyat keçirməsi barədə bəyanatına cavab olaraq yerləşdirib - onlar ABŞ-dan kənarda həyata keçirilən ilk əməliyyatlardır.
Daha əvvəl məlum olmuşdu ki, Neuralink çipli ALS xəstəsi kompüteri dili ilə idarə etməyi öyrənib.
