Hindistanın baş naziri Narendra Modiyə “istəklilər koalisiyası”nın sammitindən sonra Ukraynaya zəmanətlər barədə məlumat verilib.
1xeber.media xəbər verir ki, bu barədə Fransa prezidenti Emmanuel Makron bildirib.
Makron bildirib ki, o, Vladimir Zelenski və Ukraynaya könüllü kömək edən ölkələrin nümayəndələri ilə görüşdən sonra Moddiyə sənədlər təqdim edib.
“Dostluğumuza və strateji tərəfdaşlığımıza əsaslanaraq, biz [Ukraynada] sülhün yolunu birgə açmağa davam edəcəyik”, - Makron bildirib.
Bundan əvvəl, görüşün yekunlarına görə, Makron Ukrayna üçün təhlükəsizlik zəmanətləri, o cümlədən xarici qoşunların yerləşdirilməsi ilə bağlı hazır layihənin mövcudluğunu açıqlamışdı. Onun sözlərinə görə, 26 dövlət Ukraynaya kontingent göndərməyə və ya onun yerləşdirilməsinə dəstək verməyə hazır olduğunu bildirib.
