Evlilik heç vaxt ideal olmur. İki insan münasibətlərə öz həyat təcrübəsini, travmalarını, arzularını və gözləntilərini gətirir, buna görə də tez-tez aralarında anlaşılmazlıqlar yaranır.
1xeber.media "Your Tango” saytına istinadla yazır ki, bəzən problemlər bir tərəfin emosional uzaqlaşmasına gətirib çıxarır.
Sadəcə, arada deyildiyi kimi görünən sözlər də onun hisslərinin zəiflədiyinin siqnalı ola bilər. Əgər kişi tez-tez aşağıdakı ifadələri işlədirsə, onun ruh halına və evlilikdə nələr baş verdiyinə diqqət yetirmək lazımdır:
1. "İstədiyin kimi elə, mənimçün fərqi yoxdur”
Qadının qərarlarına laqeyd yanaşmaq emosional uzaqlaşmanın əlamətidir. Kişi onun seçimləri ilə maraqlanmırsa, bu münasibətlərdə iştirakının azaldığını göstərir. Səbəblər müxtəlif ola bilər: hörmətin azalması, evlilikdə darıxmaq və ya şəxsi problemlər.
2. "Məşğulam, sonra danışarıq”
Əvvəllər fikirlərini bölüşən kişi indi danışıqdan qaçırsa, bu, onun şüurlu şəkildə ünsiyyətdən uzaqlaşmaq istədiyini göstərə bilər.
3. "Niyə sən Filankəs [başqa şəxsin adı] kimi ola bilmirsən?”
Başqaları ilə müqayisə etmək narazılığın açıq əlamətidir. Kişi həyat yoldaşının başqa biri kimi olmasını istəyirsə, demək, öz həyatından narazıdır.
4. "Şişirtmə, bu çox kiçik məsələdir”
Qadının hisslərini kiçiltmək onun məsuliyyət götürmək istəmədiyini göstərir. Sevgi itdikdə, partnyorun emosiyalarına qarşı hörmət və empatiya da zəifləyir.
5. "Mən tək qalmaq istəyirəm”
"Məkan” istəyi vacib söhbətlərdən qaçmaq və münasibətləri düzəltmək istəməməyin göstəricisi ola bilər. Bu, həmçinin emosional yüklənmədən qorunmaq və ya ayrılmaqdan qaçmaq cəhdi ola bilər.
6. "Sən onsuz da başa düşməyəcəksən”
Ünsiyyətin bağlanması kişinin artıq həyat yoldaşına etibar etmədiyini göstərir. Hisslərini paylaşmamaq emosional məsafəni ifadə edir.
7. "Axırıncı dəfə nə vaxt ... xatırlamıram”
Birlikdə keçirdikləri anları unutmaq onun birlikdə həyatla maraqlanmadığını göstərir. Bu sözlər gələcəyini ayrı görmək niyyətinə işarə edə bilər.
8. "Hər şey yaxşıdır, mən yaxşıyam”
Kişi davamlı olaraq emosiyalarını gizlədirsə və açıq danışmaqdan qaçırsa, bu münasibətlərin qalan hissəsini pozmaqdan qorxmasının göstəricisi ola bilər. Belə davranış çox vaxt gələcəyə dair qeyri-müəyyənliyi də əks etdirir.
9. "Bu sənin problemindir, mənim yox”
Evlilikdə tərəflərin problemləri ümumi olur. Kişi qadının çətinliklərinə qatılmırsa, bu onun uzaqlaşdığını göstərir.
10. "Biz artıq tamamilə fərqli insanlarıq”
Bu sözlər narazılığı, yaxınlığın itməsini və münasibətlərin davam etdirilməsinin mənasızlığını gizlədə bilər.
11. "Niyə mübahisə edək, mənası yoxdur”
Mübahisələrdən qaçmaq kişinin emosional olaraq tam uzaqlaşdığını göstərir.
Məqalədə qeyd olunur ki, bu ifadələr hər zaman sevginin tam itdiyini göstərmir, bəzən kişi sadəcə qadının onu dinləməsini və niyyətini anlamasını istəyir ki, münasibətləri birlikdə qorumaq mümkün olsun. Yeri gəlmişkən, bütün bunları qadınlara da şamil etmək olar.
