Son vaxtlar millət vəkili Məlahət İbrahimqızı haqqında bəzi mətbuat səhifələrində, eləcə də sosial-mediada bir qarayaxma kampaniyası aparılır.
1xeber.media xəbər verir ki,bu barədə sahibkar Mahirə Əsədova özunun Facebook səhifəsində paylaşım edib.
Əsədova paylaşımında bildirib ki,qarayaxma kampaniyasının sifarişli və ya təsadüfdən olduğunu bilmirəm. Heç maraqlı da deyil. Lakin bir ictimaiyyətçi kimi özümə borc bilirəm ki, öz fikirlərimi izləyicilərlə paylaşım. Çox üzülürəm və təəssüf hissi keçirirəm ki, bugün cəmiyyətdə Azərbaycan xalqının milli dəyərlərini özündə əks etdirən tanınmış insanlara qarşı bu qaralama kampaniyası nəyə xidmət edir. Sözsüz ki, mənim məqsədim təkcə Məlahət xanıma qarşı aparılan bu haqsız qara piyarı etiraz etmək deyil, bütövlükdə ölkəmizin ictimai həyatında tanınan insanların hər birinə qarşı olan bu haqsızlığa etiraz etməkdir. Yəni Məlahət xanım bir ilk deyil. Lap bu yaxınlarda, bir neçə ay bundan öncə də Məlahət xanım haqqında guya o Xankəndindən gedən ermənilərə kompensasiya verilməsi ilə bağlı haradasa isə müsahibə verib ( mənbə də yoxdur). Görəsən bu dərəcədə əsassız qərəz, böhtan etməklə bu insanlar nə qazanır.. acı bu insanlar da öz ölkəmizin insanlarıdır. Ölkədə cəmi on milyon əhali var. Az qala hamı bir-birinə qohumdur. İşin ən üzücü tərəfi də odur ki, belə şər yazılar saytlara verilən kimi də bir qrup insamlar da sanki küfr və qarğış etməyə hazırdılar və ya bundan zövq alırlar. Hesab edirəm ki, bu yanaşma ilə biz xalqımıza xas olan bütün dəyərləri tədricən yox edirik. Qaldı Məlahət İbrahimqızına… mən onun haqqında nə yazım ki. Bircə onu deyə bilərəm ki, onun davamlı olaraq hələ müstəqilliyin ilk illərindən Qalaqayın, Şahverdili, Qızılay qaçqın düşərgələrinə, Cəbhə bölgələrinə etdiyi səfərləri keçmiş məcburi köçkünlər hələ də danışır və mən də bunun şahidiyəm. Ən əsası isə onun dövlətçiliyimizə, Dövlətimizin qurucusu Heydər Əliyev siyasətinə və onun layiqli davamçısı İlham Əliyev siyasətinə necə sədaqətlə xidmət etdiyinin şahidiyəm. Bu qaraguruhçu insanlar hətta Azərbaycan xalqının qadına verdiyi dəyər və hötmətin də nə olduğunu düşünmürlər.
