1xeber.media xəbər verir ki,Fransanın aparıcı həmkarlar ittifaqı Ümumi Əmək Konfederasiyasının (CGT) nümayəndələri Le Figaro-ya bildiriblər ki, Fransada bir milyondan çox insan hökumətin təklif etdiyi qənaət tədbirlərinə etiraz edib.
Bu arada Fransa Daxili İşlər Nazirliyi və Paris polisi bildiriblər ki, onların məlumatlarına görə, cümə axşamı ölkə boyu keçirilən etirazlarda təxminən 500 min nümayişçi iştirak edib.
Bundan əvvəl solçu France Insoumise partiyasının lideri Jan-Lyuk Melenşon bəyan etmişdi ki, Fransadakı siyasi böhrandan yeganə çıxış yolu prezident Emmanuel Makronun istefasıdır.
Sentyabrın 9-da istefa vermiş Fransua Bayrunun yerinə müdafiə naziri Sebastien Lekornunun Fransanın yeni baş naziri təyin edildiyi elan edildi. Bununla belə, hökumətin iqtisadi siyasətindən və büdcə ixtisarından narazı olan vətəndaşların kütləvi etirazları davam edib.
