Fövqəladə Hallar Nazirliyinin (FHN) Tikintidə Təhlükəsizliyə Nəzarət Dövlət Agentliyinin rəisi Cəbrayıl Xanlarovun məktubuna görə fermer cəzalandırılıb.
1xeber.media xəbər verir ki, 6 sentyabr 1988-ci il təvəllüdlü Cəlal Rəciyev barəsində Cinayət Məcəlləsinin 222-3-cü maddəsi ilə cinayət işi açılıb və məhkəmədə baxılıb.
Məlum olub ki, Cəlal Rəciyev yaşadığı Saatlı rayonu, Qara Nuru kəndində iribuynuzlu heyvan saxlayraq, təsərrüfatla məşğul olub. Həyətində iribuynuzlu heyvan saxlamaq üçün uzunluğu 19, eni 10, hündürlüyü dam səviyyəsinə qədər 4 metr, dam örtüyü ilə birlikdə 6 metr olan tövlə inşa etmək qərarına gəlib. Bu məqsədlə 2020-2021-ci illərdə 5 mişar daşı hündürlüyündə tikili inşa edib. Maddi vəziyyəti yaxşı olmadığı üçün sonradan tikintini dayandırıb.
2023-cü ilin avqust ayında yenidən tikinti işlərini davam etdirərək tikilini 19 mişar daşı, yəni 4 metr hündürlüyündə inşa edib. 2023-cü ilin sentyabr ayının ortalarında Tikintidə Təhlükəsizliyə Nəzarət Dövlət Agentliyinin əməkdaşları tikintini dayandırıblar.
O, inşa etdiyi tikili ilə bağlı heç bir problemin olmadığını, bundan sonra da heç bir problem olmayacağını düşünüb, 2024-cü ilin avqust ayında yarımçıq qalmış tikinti işlərini davam etdirib. İşə agentliyinin rəisi Cəbrayıl Xanlarov da qarışmalı olub və onun məktubu fermerə çatdırılıb. Cəlal Rəciyev barəsində akt tərtib olunub.
Məhkəmənin hökmü ilə Cəbrayıl Xanlarov Cinayət Məcəlləsinin 222-3-cü maddəsi ilə nəzərdə tutulan cinayət əməlini törətməkdə təqsirli bilinib və ona aylıq qazancından dövlət nəfinə 20 faiz pul tutulmaqla 2 il müddətinə islah işləri cəzası təyin olunub. Təqsirləndirilən şəxs təyin edilmiş islah işləri cəzasını iş yeri üzrə çəkəcək.qaynarinfo
