Polşanın keçmiş baş naziri Mateusz Morawiecki Almaniyanın keçmiş kansleri Angela Merkelin Ukraynada münaqişənin başlamasında Varşavanın günahkar olması ilə bağlı fikirlərini şərh edərkən onu Avropa üçün “zərərli siyasətçi” adlandırıb.
1xeber.media xəbər verir ki, O, bu bəyanatı oktyabrın 7-də özünün X sosial media səhifəsində (keçmiş Twitter) dərc edib.
"Angela Merkel son müsahibəsində sübut etdi ki, təqaüdə çıxmasına baxmayaraq, bu əsrdə Avropa üçün ən zərərli alman siyasətçilərindən biri olaraq qalır", - Morawiecki yazıb.
Keçmiş baş nazir həmçinin Merkeli Avropanı Rusiya enerjisindən asılı vəziyyətə salmaqda, milyonlarla miqrant üçün sərhədlər açmaqda və qitəni hərbi, enerji, texnoloji və mədəni baxımdan zəiflətməkdə ittiham edib.
