Rusiya prezidenti Vladimir Putin ad gününü doğma yurdu Sankt-Peterburqda keçirib.
1xeber.media xəbər verir ki, bu barədə Putinin mətbuat katibi Dmitri Peskov məlumat verib.
Peskovun sözlərinə görə, günün birinci yarısında dövlət başçısı Sankt-Peterburqdakı Pyotr və Pol kafedral kilsəsinə baş çəkib. Rusiya liderini səfərdə Rusiyanın müdafiə naziri Andrey Belousov, FTB-nin direktoru Aleksandr Bortnikov, Rusiya Silahlı Qüvvələrinin Baş Qərargah rəisi Valeri Gerasimov və qoşun komandirləri müşayiət ediblər.
Kreml sözçünün sözlərinə görə, Putin gün ərzində görüşlər keçirib, iclasda Baş Qərargah rəisi Gerasimov və qoşun komandirləri prezidentə cəbhədəki əməliyyat vəziyyəti barədə ətraflı məlumat veriblər.
