Bu ilin yanvarında vəfat edən AZAL-ın keçmiş prezidenti Cahangir Əsgərovun həyat yoldaşı Zərifə Həmzəyevanın adı əbədiləşdirilib.
1xeber.media teleqraf-a istinadən xəbər verir ki, “Gazelli Group”un parfüm və kosmetika fabrikinə Zərifə Həmzəyevanın adı verilib.
Qeyd edək ki, sözügedən fabrik Bakının Şüvəlan qəsəbəsində yerləşir.
Zərifə Həmzəyeva “Gazelli Group” şirkətinin təsisçisi və prezidenti idi. O, həmçinin “Premium Bank” ASC-nin əsas səhmdarı və “Caspian Energy Club”ın İdarə Heyətinin üzvü olub.
C.Əsgərov və Z.Həmzəyevanın iki qızı var.
