Rusiyanın xarici işlər naziri Sergey Lavrov Moskvanın Suriyanın keçmiş prezidenti Bəşər Əsədi zəhərləməyə cəhd etməsi ilə bağlı yayılan xəbərləri təkzib edib.
1xeber.media xəbər verir ki, Onun sözlərini RİA Novosti yayıb.
"Heç bir zəhərlənmə baş verməyib. Əgər belə söz-söhbətlər yaranarsa, onları yayanların vicdanına buraxıram", - XİN rəhbəri bildirib.
Eyni zamanda, Lavrov qeyd edib ki, Əsəd və ailəsinin Rusiyada qalması sırf humanitar xarakter daşıyır.
Bundan əvvəl Əsədin Moskva xəstəxanalarından birindən evə buraxıldığı bildirilirdi. Suriyanın keçmiş liderinin kiçik qardaşı Maher Əsədə baş çəkməsinə qadağa qoyulsa da, Prezident İşləri üzrə keçmiş baş katib Mənsur Əzzama buna icazə verilib.
Yanvarda Əsədin Moskvaya gəlişindən sonra onu zəhərləməyə cəhd edildiyi barədə məlumat yayılmışdı. Bu cəhd dekabrın sonlarında baş verib. Əsəd özünü pis hiss etdi və həkimə müraciət etdi; onun sistemində zəhərin izləri tapılıb.
