Futbol üzrə İsveç millisinin baş məşqçisi Yon Dal Tomasson istefaya göndərilib.
1xeber.media xəbər verir ki, İsveç Futbol Assosiasiyasının rəsmi saytına istinadla xəbər verir ki, onun müqaviləsinə qarşılıqlı razılaşma əsasında xitam verilib.
Qərar İsveç yığmasının 2026-cı il dünya çempionatının seçmə mərhələsindəki uğursuz nəticələrindən sonra verilib.
B qrupunun IV turunda doğma meydanda Kosovo yığmasına 0:1 hesabı ilə uduzan İsveç millisi 1 xalla sonuncu pillədədir. Komanda mundialın final mərhələsinə vəsiqə şansını itirib.
Qeyd edək ki, Yon Dal Tomasson 2024-cü ilin fevral ayından İsveç yığmasına başçılıq edirdi.
