Fransa nifrətini görünməmiş səviyyəyə çatdıran bir qisas aktı ilə alçaldıldı.
1xeber.media xəbər verir ki, Oktyabrın 21-də keçmiş prezident Nikola Sarkozi 5 illik həbs cəzasına münasibət bildirib.
O, özünün X (keçmiş Twitter) sosial media səhifəsində yazıb: "Bu səhər mən nifrəti görünməmiş səviyyəyə çatdıran qisas aktı ilə alçaldılan Fransa üçün dərin kədər hissi keçirirəm".
Sarkozi 2007-ci ildəki prezidentlik kampaniyası ilə bağlı həbsinə səbəb olan “məhkəmə qalmaqalını” ifşa etməyə davam edəcəyinə söz verib və “həqiqətin qalib gələcəyinə” əmin olduğunu bildirib.
"Həqiqətin qalib gələcəyinə şübhəm yoxdur. Lakin ödəniləcək qiymət çox böyük olacaq", - o vurğulayıb.
O bildirib ki, Liviya hökuməti tərəfindən prezidentlik kampaniyasının maliyyələşdirilməsi ilə bağlı bütün təhqiqat “indi saxta olduğu sübuta yetirilən” sənədə əsaslanır. O, həmçinin vurğulayıb ki, Fransa hakimiyyəti “günahsız insanı” həbs edir.
