1xeber.media xəbər verir ki, ABŞ-ın demokrat senatorları prezident Donald Trampı ABŞ liderinin Ağ Evin Şərq Qanadını sökməyi planlaşdırdığı bal zalını tikməklə özünü zənginləşdirməkdə ittiham ediblər.
“Post”un yazdığına görə, orada Trampın sifarişi ilə dekorasiyanın yenilənməsi və yeni elementlərin əlavə edilməsi üzrə işlər aparılır. Senatorlar bildirdilər ki, prezident vergidən azad olan Milli Mall Trast Fondu vasitəsilə vəsait toplayır. Lakin bu təşkilat vasitəsilə töhfələrin strukturu və şərtləri aydın deyil.
“Post”un yazdığına görə, bu sxemin qeyri-müəyyən xarakteri Trampın “fərdi şəxslərə və qurumlara, o cümlədən administrasiyanın hərəkətlərində xüsusi maraqları olan xarici vətəndaşlara və korporativ aktyorlara prezidentlik imkanlarını satması” ilə bağlı narahatlıqlardan xəbər verir.
Senatorlar noyabrın 5-dək bu irimiqyaslı layihənin sponsorlarının təfərrüatlarının onlara açıqlanmasını tələb ediblər.The Post xəbər verir ki, demokrat senator Riçard Blumental da bal zalının tikintisində iştirak edən podratçılara məktublar göndərib. Siyasətçi çıxışlarında layihənin “sürətlə dəyişən və gizli şərtlərindən” danışıb.
Oktyabr ayında ABŞ prezidenti Donald Tramp Ağ Evdə dövlət başçılarını və digər yüksək rütbəli qonaqları qəbul etmək üçün bal zalının tikiləcəyini bəyan etmişdi. Layihənin 300 milyon dollara başa gələcəyi gözlənilir.
