“Bir şeyi dəqiq deyə bilərəm ki, ruslar bizimkiləri girov kimi saxlayırlar".
1xeber.media xəbər verir ki,bu sözləri “Yeni Sabah”a Azərbaycan Jurnalistlər Birliyinin (AJB) sədri Elçin Şıxlı deyib.
Onun sözlərinə görə, Rusiyanın Sverdlovsk vilayətində "Azərbaucan-Ural" diaspor təşkilatının keçmiş rəhbəri Şahin Şıxlinskinin həbs qətimkan tədbiri dekabr ayının sonuna qədər uzadılıb:
“Apelliyasiya şikayətindən sonra Şahin Şıxlinskinin həbs qətimkan tədbirini dekabr ayının sonuna qədər uzadıblar. Onun səhhəti yaxşı deyil. Hətta 1 gecə xəstəxanada da olub.
Şahin Şıxlinskinin artıq çəkisi və müəyyən xəstəlikləri var. Oksigen aparatı həmişə yanında olmalıdır. Amma həbsxanada aparatı onu vermirlər. Şahinə soyuducu vermişdilər. Evdən yemək göndəriləndə ora qoyulurdu. Soyuducunu 1 günlük qoyub, sonra aparıblar.
Soydaşımızın səhhəti pis olduğu üçün daim həkim nəzarətində olmalıdır. Bunu tam şəkildə təmin etmirlər. Şahin Şıxlinskinin oğlu Mutvalı Şıxlinski də eyni qaydada saxlanılır”.
Elçin Şıxlinski Azərbaycanda həbs olunan Rusiya vətəndaşlarının azad edilməsi müqabilində soydaşlarımızın azadlığa çıxması ehtimalını istisna etməyib:
“Təbii ki, Azərbaycanda həbs olunan Rusiya vətəndaşlarının azad edilməsi müqabilində orada tutulan soydaşlarımızın azadlığa çıxması ehtimalı var. Mən bir şeyi dəqiq deyə bilərəm ki, ruslar bizimkiləri girov kimi saxlayırlar. Şahin Şıxlinskini və Rusiyada ictimai fəaliyyətlə məşğul olan digər soydaşlarımızla, bir növ, siyasi alver etmək fikrindədirlər. Yəni biz sizinkiləri buraxaq, siz də bizimkiləri.
Müstəntiqlər birbaşa Şahin Şıxlinski ilə bağlı onu deyirlər ki, gözləyirik nə vaxt “yuxarı”dan komanda veriləcək, həmin vaxt sizi azad edəcəyik. Heç bir obyektiv tədiqaqatdan söhbət gedə bilməz. Mən Şahin Şıxlinskinin yerində olsam, azadlığa çıxan kimi Azərbaycana qayıdardım. Bu, qəti fikrimdir”.
Xatırladaq ki, Şahin Şıxlinski və oğlu Mutvali Şıxlinski iyunun 1-də OMON-a müqavimət adı ilə saxlanılıblar. Onlar barədə həbs qərarı çıxarılıb.
Bundan əlavə, Bakıda saxlanılan "Sputnik Azərbaycan"ın 2 əməkdaşı artıq sərbəst buraxılıb və onlar Rusiyaya qayıdıblar. Moskvada isə Satira Teatrının keçmiş direktoru Məmmədəli Ağayev barədə qaldırılan cinayət işi ləğv edilib.
Lakin Bakıda saxlanılan bir qrup Rusiya vətəndaşı barədə həbs qətiimkanı daha 4 ay müddətinə uzadılıb. Onların Şıxlinski və Səfəro qardaşları ilə "dəyişdiriləcəyi" etimalı var.
