Tanınmış vəkil Aslan İsmayılov FHN naziri Kəmaləddin Heydərovun Ramiz Mehdiyevə Qəbələdə villa hədiyyə etməsi xəbərinə münasibət bildirib.
Özünün facebook səhifəsində paylaşım edən İsmayılov maraqlı iddia da irəli sürüb.
1xeber.media sözügedən paylaşımı təqdim edir:
Mətbuata açıqlamasında Fövqəladə Hallar naziri Kəmaləddin Heydərov: “Mən Qəbələdə Ramiz Mehdiyevə nə villa, nə də başqa bir şey bağışlamamışam. Boş söhbətlərdir, mən buna əhəmiyyət vermirəm. Ona görə də siz də ciddiyə almayın”.
"Qəbələdə villanın bağışlanmasının nə qədər dəqiq olduğunu bilmirəm. Dəqiq bildiyim odur ki, Xızı rayonunun Qızılqazma adlanan ərazisində K.Heydərov FHN generalı Cəbrayıl Xanlarov vasitəsilə bir neçə hektar torpaq sahəsi alıb, orada villa tikdirib və Ramiz Mehdiyevə hədiyyə edib. Villanın fotosunu paylaşıram."
