REAL partiyasının sədri Natiq Cəfərli Dövlət Gömrük Komitəsinin sədri Şahin Bağırovu tənqid edib.
1xeber.media bildirir ki, o, öz yazısında bütün məmurlara da müraciət edərək, onlarddan əhaliyə hörmət etməyi tələb edib.
Cəfərli bildirib ki, DGK sədrinin elktromobillərlə bağlı verdiyi açıqlama məntiqszidir. “Müstəqil qurum olması lazımsız olan Gömrük Komitəsinin sədri Şahin Bağırov belə bir açıqlama verib ki, elektromobillərə ƏDV-nin tətbiqi yerli elektrik avtomobil istehsalına bu və ya digər formada müsbət təsir edəcək. Voronej İqtisad institutunun, Rusiya Gömrük Akademiyasının məzunu olan Şahin müəllim məntiqi ayaq altına qoyub tapdalayır, ümid edirəm ki, bunu qəsdən etmir”.
O daha sonra vurğulayıb ki, bu yanaşma nəinki doğru deyil, həm də heç bir məntiqə sığmır. “Deməli, ölkəyə 10 aya 1700 elektromobil gəlib, deyir ki, bu azdır, ona görə də ƏDV tədbiq edib 18% qiymətini artırırıq. Qiymətlər 18-20% artacaqsa, deməli elektromobillərə maraq da azalacaq, elə deyilmi?! Əgər dövlətin istəyi marağı ARTIRMAQ, ekoloji təmiz elektromobillərin gətirilməsini, satışını stimullaşdırmaqdırsa, deməli ƏDV ləğvi ilə yanaşı, digər təşviq addımları da atır ki, satış çoxalsın. Məsələn, bir çox AB ölkələrində elektromobil alanlar nəinki vergilərdən azad edilir, həm də dövlət onlara dəyərin bir qismini (10-20% arası) ödəyir ki, maraq ARTSIN. Şahin müəllim deyir ki, maraq azdır (halbuki bu maraq məsələsi deyil, alıcılıq qabiliyyəti və şarj infrastrukturunun azlığı məsələsidir), indi biz ƏDV tədbiq edəcəyik ki, maraq daha da azalsın! Fantastik məntiqdir!”
Cəfərli Şahin Həsənovun bir başqa fikrini də müzakirə edib.. “Daha sonra Şahin müəllim deyir ki, ƏDV tədbiqi daxildə, ölkəmizdə elektromobil istehsalını stimullaşdıracaq – ay müəllim, ölkəmiz nəinki elektromobil, TV pultuna taxılan batareyka belə istehsal edə bilmir, bunu bacarmır, bu bəyanatınız insanların ağlı ilə oynamaq deyilmi?! 15 ildir deyirik, bir daha təkrar edək: Gömrük Komitəsinin ayrıca bir müstəqil dövlət qurumu kimi qalması iqtisadiyyata zayan vurur, ləğv edilməli, ya Maliyyə, ya da İqtisadiyyat nazirliyinin tərkibində departament kimi fəaliyyət göstərməlidir. Gömrük Komitəsində Rusiyadan gələn hərbiləşdirilmiş (hamısının rütbəsi var – niyə?) gömrük sistemi kökündən dəyişdirilməlidir”.
tribunainfo.az
