1xeber.media xəbər verir ki, Ukrayna prezidenti Vladimir Zelenskinin ofisinin öz internet səhifəsində yaydığı bəyanata görə, Ukrayna Arktikada fəaliyyət göstərən rus şirkətlərinə qarşı sanksiyalar tətbiq edib.
Fərmana əsasən, məhdudiyyətlər Arktika regionunda resursları çıxaran şirkətlərə şamil ediləcək. Siyahıya 36 hüquqi və 18 fiziki şəxs daxildir.
Bu şirkətlər Rusiyanın enerji resurslarının ixracı, geoloji-kəşfiyyat və sənaye tədqiqatlarının aparılması, vasitəçi şirkətlərdən istifadə etməklə dəniz nəqliyyatı marşrutları ilə ixrac üçün kömür tədarükü ilə məşğuldur.
Siyahıya digərləri ilə yanaşı Uzaq Şərq və Arktika İnkişaf Korporasiyası, Peterburq Traktor Zavodu, Yamaltransstroy, Burenerqo və bir neçə başqa şirkət daxildir.
Bundan əvvəl Zelenski Rusiya, İran və Çindən olan 31 şirkət və 10 fiziki şəxsə qarşı sanksiya tətbiq edib. Siyahıda sanksiyaları pozaraq Rusiyaya avadanlıqların tədarükü ilə məşğul olan şirkətlər və sahiblər göstərilir.
