1xeber.media xəbər verir ki, Gürcüstanın keçmiş prezidenti Mixail Saakaşvili Ukrayna lideri Vladimir Zelenskiyə mülki məhbuslar siyahısına daxil edilməsi üçün müraciət edib.
“ Xahiş edirəm, məni Odessa Vilayət Dövlət Administrasiyasının keçmiş rəhbəri kimi, Milli İslahat Şurasının İcraiyyə Komitəsinin sədri kimi mülki məhbuslar siyahısına daxil edin”, o, Zelenskiyə yazıb.
Mixail Saakaşvili 2004-2013-cü illərdə Gürcüstana rəhbərlik edib. Partiyasının məğlubiyyətindən sonra o, ölkədən qaçıb. Yeni hakimiyyət ona qarşı bir neçə cinayət işi açıb və vətəndaşlıqdan məhrum edib.
Siyasətçi Ukrayna pasportu alıb və Odessa administrasiyasına rəhbərlik edib. Daha sonra o, Ukrayna vətəndaşlığından məhrum edilib, lakin Zelenski 2019-cu ildə hakimiyyətə gəldikdən sonra pasportunu bərpa edib.
İyulda Gürcüstan prezidenti Mixail Kavelaşvili siyasətçilərin seçkilərdə iştirakı müqabilində onları əfv etməyi təklif edib. Lakin onun sözlərinə görə, bu, Ukrayna vətəndaşlığına görə ölkənin keçmiş prezidenti Mixail Saakaşviliyə təsir etməyəcək.
