Moldova parlamenti Rusiya Evinin ölkədə fəaliyyət göstərdiyi sazişin denonsasiyası layihəsini birinci oxunuşda təsdiqləyib.
Hakim Fəaliyyət və Həmrəylik Partiyasının 60 üzvü, eləcə də “Evdə Demokratiya” partiyasının bəzi parlament üzvləri sənədin lehinə səs verib. İclas qanunverici orqanın saytında yayımlanıb.
"Moldova Respublikası Hökuməti ilə Rusiya Federasiyası Hökuməti arasında 1998-ci il oktyabrın 30-da Moskvada imzalanmış mədəniyyət mərkəzlərinin yaradılması və fəaliyyəti haqqında saziş denonsasiya edilsin. Xarici İşlər Nazirliyi bu sazişin denonsasiyası barədə Rusiya tərəfini xəbərdar edəcək", - TASS-ın sitat gətirdiyi qanun layihəsində deyilir.
