Slovakiya hakimiyyəti Avropa Komissiyasının (AK) Rusiyanın enerji resurslarından, o cümlədən neft, təbii qaz və mayeləşdirilmiş təbii qazdan (LNG) uzaqlaşdırılmasını sürətləndirmək strategiyasına görə Avropa İttifaqına (Aİ) qarşı iddia qaldıra bilər.
1xebe.media xəbər verir ki, bu barədə ölkənin baş naziri Robert Fiko bildirib.
Slovakiya hökumətinin başçısı xarici işlər, iqtisadiyyat və ədliyyə nazirlərinə məhkəməyə müraciət variantlarını təhlil etməyi tapşırıb. Fiko qeyd edib ki, gələn həftə hökumət sənədi müzakirə edəcək və məsələ ilə bağlı yekun qərar verəcək. “Biz [Aİ-yə – Lenta.ru] məhkəməyə müraciət etmək imkanını nəzərdən keçirəcəyik”, – baş nazir yekunlaşdırıb.
Eyni zamanda, o, iddianın mümkün məbləğini və ya onun hansı hüquqi əsasla veriləcəyini açıqlamayıb. Bununla belə, Fiko qeyd edib ki, bu məsələdə çox şey AK-nin enerji qiymətlərinin kəskin qalxması və ölkədə qaz qıtlığı riski zamanı ölkəyə verdiyi zəmanətləri yerinə yetirməsindən asılı olacaq.
