1xeber.media xəbər verir ki, ABŞ prezidenti Donald Tramp rusiyalı həmkarı Vladimir Putindən Ukraynada davam edən münaqişəyə görə bir qədər məyus olduğunu bildirib.
Amerika lideri qeyd edib ki, o, səkkiz silahlı münaqişəni həll edib və əvvəllər “ən asan” hesab etdiyi daha birinə son qoymaq niyyətindədir. “Mən indi prezident Putindən bir az məyus oldum və o, bunu bilir”, o əlavə edib.
Eyni zamanda, Tramp Ukrayna münaqişəsini həll edə biləcəyinə əminliyini ifadə edərək, “mübahisələrin həllində yaxşı olduğunu və həmişə də belə olduğunu” vurğulayıb.
Daha əvvəl bildirilmişdi ki, ABŞ Ukraynada nizamlanma üçün 28 bəndlik yeni plan hazırlayır. Bura Kiyevin bəzi ərazilərdən və silahlardan imtina etməsi, həmçinin Ukrayna ordusunun sayını 2,5 dəfə azaltması, Ukraynanın rus dilini tanıması daxildir.
