ABŞ dövlət katibi Marko Rubio ABŞ prezidenti Donald Trampın Ukraynadakı münaqişənin həllinə dair sülh planını Vaşinqtonun avropalı tərəfdaşları ilə müzakirə edəcəyinə söz verib.
1xeber.media xəbər verir ki, “Rubio cümə günü milli təhlükəsizliyə cavabdeh olan yüksək səviyyəli Avropa rəsmiləri ilə danışıqlar aparacaq”.
Mənbələr həmçinin qeyd ediblər ki, Avropa Trampın planının hazırlanmasında heç bir əli olmayıb və “indiyə qədər Amerikanın təklifindən xəbərdar olmayıb”.
Bundan əvvəl Kiyev rəsmiləri Ukrayna prezidenti Vladimir Zelenskinin ABŞ tərəfdən münaqişənin həlli üçün sülh planı aldığını açıqlamışdı. Prezidentin ofisi vurğuladı ki, Zelenski yaxın günlərdə Trampla danışıqlar aparmağı gözləyir.
