Azərbaycan Dövlət Kukla Teatrının quruluşçu rejissoru Səidə Haqverdiyeva Prezident İlham Əliyevə müraciət edib.
1xeber.media müraciəti olduğu kimi təqdim edir:
"Azərbaycan Respublikasının Prezidenti
Müzəffər Ali Baş Komandan
cənab İlham Əliyevə
Azərbaycan Dövlət Kukla Teatrının quruluşçu rejissoru
Səidə Haqverdiyevanın
MÜRACİƏTİ
Cənab Prezident, möhtərəm Ali Baş Komandan,
2011-ci ildən Azərbaycan Dövlət Kukla Teatrında çalışıram və 2020-ci ildən etibarən quruluşçu rejissor kimi fəaliyyət göstərirəm. Dövlətimizə, sənətə və uşaqların inkişafına xidmət etməyi həyatımın mənası hesab edirəm. Heç zaman işimdə nöqsanlara yol verməmiş, bütün fəaliyyətim boyu sədaqət, dürüstlük və məsuliyyət prinsiplərinə əməl etmişəm.
Lakin son aylar teatrda çalışan aktrisa Nərmin Əhmədova və onun Mədəniyyət Nazirliyindəki himayədarları tərəfindən mənə qarşı davamlı psixoloji təzyiq, təhqir və əsassız müdaxilələr həyata keçirilir. Bu şəxslər öz vəzifə və əlaqələrinə güvənərək həm mənim iş fəaliyyətimə, həm də ailə həyatımıza kobud şəkildə müdaxilə edir, əsassız tələblər irəli sürür, qanunsuz təhdidlər edirlər.
Bu işdə Nərmin Əhmədovanın ən böyük havadarı mütəmadi adı şəffaflığı barədə şübhə yaradan tenderlərdə hallanan (bu barədə KİV-də kifayət qədər iddialar var: https://afn.az/166798-nazirlikle-teatr-arasindaki..., https://big.az/570112-nazirlikle-teatr-arasindaki..., https://qaynarinfo.az/nazirlikle-teatr-arasindaki..., https://tribunainfo.az/efsun-ehmedov-rusvet-aldigi-ucun.../ ) əri - “Next Group” nəqliyyat şirkətinin rəhbəri Əfsun Əhmədovdur. Onu da nəzərinizə çatdırım ki, bu şəxsin qardaşı keçmiş hakim Elsun Əhmədov (https://oxu.az/.../sabiq-hakim-mehkeme-zalinda-hebs-olunub, https://www.ayna.az/rusvet-almaqda-teqsirlendirilen-sabiq..., https://pravda.az/news/174399 ) külli miqdarda rüşvətə görə Gəncə Ağır Cinayətlər Məhkəməsində keçirilən proses zamanı məhkəmə zalındaca həbs olunub. O, 5 il müddətinə azadlıqdan məhrum edilib. Birinci dərəcəli qohumlarının bu əməlini gözardı edən Əhmədovlar cütlüyü konkret olaraq Mədəniyyət Nazirliyində və digər orqanlarda (bu iddiaları hədə maşını kimi özləri çoxdan işə salıb və faydasını da görüblər) çalışan dost və qohumlarının, qanuni və qeyri-qanuni iş ortaqlarının himayədarlığı ilə əsl özbaşınalıq nümunəsinə çevriliblər.
Daha narahatedici məqam odur ki, bu təzyiqlər artıq həyat yoldaşım – Kukla Teatrının direktoru Rəşad Əhməd-zadəyə qarşı da mədəniyyət sahəsində nüfuzdan salma, böhtan və əsassız şikayətlər yolu ilə aparılan məqsədli kampaniyaya çevrilib. Nazirlik daxilində müəyyən dairələr bunun üçün bütün inzibati mexanizmlərdən istifadə edir və ailəmizi psixoloji təzyiq altında saxlamağa cəhd göstərirlər.
Cənab Prezident,
Sizin “hər bir məmur təvazökar olmalıdır”, “heç bir məmur vəzifə səlahiyyətindən sui-istifadə etməməlidir” fikirlərinizə güvənərək, bu müraciəti Sizə ünvanlanmağa məcbur qaldım.
Özlərini yüksək vəzifəli qohumlarının adı ilə təqdim edən və bu himayəyə arxalanaraq teatrda gərginlik yaradan şəxslərin fəaliyyəti artıq normal əmək mühitini sıradan çıxarıb. Təzyiqlərin növbəti mərhələsində isə mənim diplomum, əmək fəaliyyətim və ailə vəziyyətim əsassız şəkildə hədəfə çevrilmişdir.
Sizdən xahiş edirəm:
Mədəniyyət Nazirliyində və teatrda vəzifə səlahiyyətlərindən sui-istifadə edən, qanunsuz himayədarlığa arxalanan şəxslərin fəaliyyətinin araşdırılmasına yardımçı olasınız;
Ailəmin və xüsusilə həyat yoldaşım – direktor Rəşad Əhməd-zadənin məqsədli şəkildə nüfuzdan salınması üçün aparılan kampaniyanın qarşısının alınması barədə müvafiq göstəriş verəsiniz;
Mənə qarşı edilən psixoloji təzyiq, təhdid və əsassız tələblərin dayandırılması, iş mühitində təhlükəsizlik və obyektivliyin təmin edilməsi üçün dəstək göstərəsiniz.
Sizə müraciət etməyimin yeganə səbəbi – illərdir xidmət etdiyim mədəniyyət ocağında sağlam, şəffaf və ədalətli mühitin bərpasına nail olmaqdır.
Nailiyyətlərim və dövlətə xidmətim (qısa şəkildə)
20-yə yaxın uşaq, kukla və böyüklər üçün tamaşanın quruluşçu rejissoru;
“Oyuq” uşaq teatr studiyasının, “Küllücə” inklüziv uşaq teatrının və “Oyun” adlı böyüklər üçün inklüziv teatrın yaradıcısı;
Əlilliyi olan və autizm sindromlu uşaqlarla ölkədə ilk inklüziv teatr tamaşasının müəllifi;
Beynəlxalq festivallarda qran-pri və birinci dərəcəli mükafatlar;
Vətən müharibəsi həqiqətlərinin təbliği məqsədilə çəkilmiş “Köhnə Çamadanlar” tammetrajlı filminin quruluşçu rejissoru – film Bakıda, Şamaxıda, Naxçıvanda və Ankarada nümayiş olunmuş, Türkiyə mediasında 500-dən çox material dərc edilmişdir;
Dövlət teatrlarında illərdir nümunəvi fəaliyyət, yüksək tamaşaçı auditoriyası və repertuarda uğurlu tamaşalar.
Hörmətlə,
Səidə Haqverdiyeva
Azərbaycan Dövlət Kukla Teatrının quruluşçu rejissoru".
