Ermənistanın Baş naziri Nikol Paşinyan futbolçu Nikita Simonyanın vəfatı ilə bağlı Rusiya Prezidenti Vladimir Putinə başsağlığı teleqramı göndərib.
1xeber.media xəbər verir ki, Paşinyanın teleqramında deyilir:
"Əfsanəvi futbolçu, Əməkdar Məşqçi, Əməkdar İdman Ustası və dördqat SSRİ çempionu Nikita Pavloviç Simonyanın vəfatı xəbərini dərin kədərlə qarşıladım. Görkəmli oyunçu və məşqçi olan Simonyanın adını Ermənistan və Sovet futbolunun tarixinə qızıl hərflərlə həkk etdi. Onun rəhbərliyi altında İrəvanın "Ararat" komandası çempion oldu və iki dəfə - 1973 və 1975-ci illərdə - SSRİ Kubokunu qazandı - bu, Ermənistan xalqına unudulmaz qürur hissi bəxş etdi".
Baş nazir Simonyanın Ermənistan Respublikası və Rusiya Federasiyası tərəfindən dövlət mükafatlarına layiq görüldüyünü və onun peşəkarlığının və futbola sədaqətinin gələcək nəsillər üçün nümunə olacağını vurğulayıb.
"Ermənistan xalqı və şəxsən öz adımdan Nikita Pavloviçin ailəsinə və dostlarına başsağlığı və dəstək sözlərini çatdırmağınızı xahiş edirəm", - teleqramda deyilir.
