Qazaxıstanın paytaxtı Astanada keçirilən beynəlxalq musiqi müsabiqəsinin final mərhələsində Azərbaycanı münsiflər heyətində təmsil edən müğənni Samirə Əfəbdinin 12 xal verdiyi və qucağlaşdığı erməni müğənni Saro Gevorkyan keçmiş “dağlıq qarabağ ordusu”nun tərkibində xidmət edibmiş.
1xeber.media xəbər verir ki, bu barədə Ermənistanın internet resurslarında məlumatlar yer alıb.
Bildirilib ki, Gevorkyanın hərbi xidməti barədə ilk məlumat 2021-ci ildə yayılıb.
Erməni mediası o zaman “Yeni dalğa” musiqi festivalında iştirak edən Saro Gevorkyan barəsində hazırladığı materialda onun Xankəndidə keçmiş “dağlıq qarabağ ordusu”nun tərkibində xidmət keçdiyini də yazıb. Amma Gevorkyanın hərbi xidmətini hansı illərdə keçdiyi barədə məlumat verilməyib.
