"Liverpul"un əfsanəvi kapitanı Stiven Cerrardın gələn ilin aprelinə qədər hər hansısa Britaniya klubuna rəhbərlik etməyəcəyi gözlənilir.
1xeber.media xəbər verir ki, mütəxəssisin fəaliyyətinə fasilə verməsi vergi qanunvericiliyi ilə əlaqəlidir. Belə ki, yanvarda Səudiyyə Ərəbistanının “Əl-İttifaq” klubundan ayrılan Cerrard yaz fəslinə qədər Böyük Britaniyada işə başlayarsa, Səudiyyə Ərəbistanındakı qazancının 45 faizini vergi kimi ödəmək məcburiyyətində qalacaq.
Qeyd edək ki, adı son vaxtlar “Midlsbro” və sabiq komandası “Reyncers”lə hallanan ingiltərəli çalışdırıcı maliyyə itkisinə yol verməmək üçün müvəqqəti olaraq gələn təklifləri qəbul etməyib.
