Ukrayna hərbi əməliyyatlar başa çatdıqdan sonra ərazi məsələlərinə dair referendum keçirməli olacaq.
1xeber.media xəbər verir ki, bu barədə Rusiya prezidenti Vladimir Putin Telegram-da “Smotri” kanalında yayımlanan videoda bildirib.
"Onlar üçün çətin vəziyyətdir. Lakin bundan sonra (seçkilərdən sonra – Lenta.ru) bütün ərazi məsələləri üzrə referendum keçirilməlidir", - Rusiya lideri vurğulayıb.
Putin vurğulayıb ki, ərazi məsələləri üzrə referendumun keçirilməsi şərti Ukrayna konstitusiyasında yazılıb. O, həmçinin referendumun nəticələrinin Ukrayna Konstitusiya Məhkəməsi tərəfindən təsdiq edilməli olduğunu qeyd edərək, ölkənin ali məhkəməsinin hakimiyyət tərəfindən təzyiq altında olduğunu bildirib.
Daha əvvəl Putin Ukraynada Rusiya ilə dialoqa hazır olanların adını çəkib. Onun fikrincə, Ukraynada Rusiya ilə uzunmüddətli əlaqələr qurmaq istəyənlər var.
