Afrika yaxınlığında partlayan tankerin sahibi olan Türkiyə şirkəti Rusiya ilə əməkdaşlıq etməkdən imtina edib.
1xeber.media xəbər verir ki, Türkiyənin ən böyük tanker sahiblərindən biri olan "Beşiktaş Gəmiçiliyi"nin nümayəndələri artıq Rusiya ilə əlaqəli reyslər həyata keçirməyəcəklərini açıqlayıblar.
"Fəaliyyətimiz boyunca bütün beynəlxalq sanksiya rejimlərinə ciddi şəkildə riayət etmişik, G7/AB qiymət limiti mexanizminə və bütün müvafiq ticarət məhdudiyyətlərinə tam əməl etmişik. Lakin, regionda təhlükəsizlik vəziyyəti xeyli pisləşib. Hərtərəfli qiymətləndirmədən sonra gəmilərimiz və heyətimiz üçün risklərin qəbuledilməz hala gəldiyi qənaətinə gəldik", - deyə məlumatda deyilir.
