1xeber.media xəbər verir ki, Ukrayna prezidenti Vladimir Zelenski öz Telegram kanalında bildirib ki, Kiyev Amerika komandası Moskvadan qayıtdıqdan sonra ABŞ prezidenti Donald Trampın komandası ilə danışıqları davam etdirəcək.
"Dünya indi açıq şəkildə hiss edir ki, müharibəni bitirmək üçün fürsət var və biz Rusiyaya təzyiqlə fəal danışıqlarımızı gücləndirməliyik", - Zelenski son görüşlərin məhsuldar keçdiyini qeyd edib.
Zelenskinin sözlərinə görə, münaqişə yalnız Ukraynanın maraqlarını nəzərə almaqla həll edilə bilər.
Daha əvvəl Zelenski bəyan etmişdi ki, Kiyev ABŞ nümayəndələri ilə danışıqların ləğvindən sonra Brüsseldə Qərb tərəfdaşları ilə görüşə hazırlaşır. O, əlavə edib ki, Ukrayna nümayəndələri Kiyevin Avropadakı tərəfdaşlarına Vaşinqton və Moskva arasında təmaslar haqqında bilikləri barədə məlumat verəcəklər.
