1xeber.media xəbər verir ki,32gun.az-ın apardığı araşdırma Tovuz Rayon İcra Hakimiyyətinin (RİH) 2025-ci ildə bağladığı satınalmaların strukturunda maraqlı mənzərəni üzə çıxarıb.
Məmməd Məmmədovun rəhbərlik etdiyi qurumun keçirdiyi tenderlərin böyük hissəsinin azsaylı şirkətlər arasında bölünməsi diqqəti çəkir. Üstəlik, eyni profilli işlərin bir neçə dəfə ard-arda eyni şirkətə verilməsi proseslərin şəffaflığı ilə bağlı suallar yaradır.
İlk tender – tədbirlərin təşkili üçün yüz minlərlə manat
RİH-in il üzrə ilk iri müqaviləsi:
“RR TRAVEL COMPANY” MMC
Tədbirlərin təşkili
141.570,5 AZN
Tədbir təşkilinin bu qədər yüksək məbləğlə satın alınması, xüsusilə də büdcədənkənar vəsait hesabına olması iddiaları daha da gücləndirir.
Xırda tenderlər – eyni şirkətlər, oxşar xidmətlər
Dəftərxana ləvazimatı, cari təmir və layihə-smeta sənədləri üzrə bağlanan müqavilələrdə isə diqqətə çarpacaq dövriyyə var:
“FOR OFFICE” MMC – Dəftərxana və təsərrüfat malları
14.830,3 AZN
“RƏZ” MMC – Avtomobillərin cari təmiri
6.300,4 AZN
“HOUSE PROJECT” MMC – Abadlıq və mənzil fondu üzrə layihə-smeta sənədləri
4.720 AZN, 5.192 AZN, 8.590,4 AZN
“HUSEYNLI PARTNERS ARCHITECTURE AND CONSTRUCTION” MMC – Yol təmiri üzrə sənədləşmə
Təkrar-təkrar bağlanan müqavilələr:
5.498,8 AZN, 4.958,36 AZN, 4.958,36 AZN
Bu şirkətlərin hər biri il ərzində bir neçə fərqli tenderdə qarşımıza çıxır. Bu isə Tovuz RİH-in xidmət və layihə-smeta işlərini nə üçün məhz bu dar çevrədə paylaşdığı ilə bağlı aydınlıq ehtiyacını artırır.
İri məbləğlər – yol və abadlıq pulları kimə gedir?
Ən böyük rəqəmlər yenə eyni istiqamətdədir: yol tikintisi və abadlıq.
“VNM İnşaat” MMC – Abadlıq
73.441,67 AZN
“Kontur Arxitektura Layihə-Sənaye” QSC
– Büdcədənkənar vəsaitlə yol təmiri – 598.665,34 AZN
– Yerli vəsaitlə yol təmiri – 667.468,14 AZN
Bir şirkətə yol təmiri adı ilə verilən vəsaitin ümumi məbləği 1,2 milyon manatı keçir.
“AZƏRTRANSS” MMC – Mənzil fondunun əsaslı təmiri
134.489,93 AZN
“TALEH-RT” BM – Abadlıq işləri
579.452,33 AZN
Beləliklə, Tovuzda abadlıq və yol təmiri üzrə ən iri xərclərin böyük hissəsi cəmi üç şirkət ətrafında cəmlənib.
Yanacaq, avadanlıq və digər xərclər
AZPETROL – Yanacaq alınması
6.000 AZN
“SM Construction Company” MMC – Maşın və avadanlıqlar
5.721,43 AZN
Bu kateqoriyadakı məbləğlər nisbətən kiçik olsa da, ümumi mənzərədə yenə də eyni sual doğurur: Tovuz RİH niyə bu qədər qısa siyahı ilə işləyir?
Ümumi məbləğ
32gun.az-ın hesablama nəticələrinə görə, araşdırmada yer alan bütün satınalmaların ümumi dəyəri 3.6 milyon manatdır.
Bu məbləğin böyük hissəsinin eyni tip işlərə və eyni şirkətlərə yönləndirilməsi Tovuz Rayon İcra Hakimiyyətinin tender siyasətinin nə qədər rəqabətli və şəffaf olduğu ilə bağlı suallar yaradır.
