Ermənistan və gürcü tərəfləri Azərbaycan yanacağının Gürcüstan ərazisindən Ermənistana tranzitini müzakirə ediblər.
1xeber.media xəbər verir ki, bu barədə Ermənistan Respublikasının İqtisadiyyat Nazirliyi məlumat yayıb.
"Gürcüstan tərəfi ilə belə bir müzakirə aparıldı və biz dərc olunmuş məlumatı aldıq", - nazirlikdən bildirilib.
Bundan əvvəl Gürcüstanın İqtisadiyyat və Davamlı İnkişaf Nazirliyi bəyan etmişdi ki, dekabrın 5-də Gürcüstan hökuməti tərəfdaş ölkələrdən Gürcüstan ərazisindən Azərbaycandan Ermənistana yanacağın birdəfəlik tranziti ilə bağlı sorğu alıb. Gürcüstanın baş naziri İrakli Kobaxidze Gürcüstan Dəmir Yollarına bu tranzitin pulsuz həyata keçirilməsini tapşırıb.
