Rusiya müvəqqəti atəşkəsdənsə, Ukrayna ilə davamlı və uzunmüddətli sülhə üstünlük verir.
1xeber.media xəbər verir ki, bunu Rusiya prezidentinin mətbuat katibi Dmitri Peskov brifinq zamanı Ukrayna lideri Vladimir Zelenskinin enerji barışığı təklifini şərh edərkən deyib.
"Müvafiq sənədlərin imzalanması ilə əldə edilən davamlı, zəmanətli, uzunmüddətli sülh mütləq prioritetdir", - Peskov qeyd edib.
Kreml sözçüsü həmçinin vurğulayıb ki, Rusiya atəşkəsə deyil, sülhə doğru çalışır.
Bundan əvvəl Vladimir Zelenski Rusiya ilə razılaşarsa, enerji sahəsində atəşkəsə hazır olduğunu bildirmişdi. Ukrayna liderinin sözlərinə görə, belə bir addım xalq üçün çox vacibdir.
Öz növbəsində hərbi ekspert və istefada olan birinci rütbəli kapitan Vasili Dandykin Zelenskiyə Kiyevdə işıqların demək olar ki, tamamilə kəsilməsi ilə əlaqədar atəşkəs barədə qərar verməsini təklif edib.
