Ukrayna prezident aparatının keçmiş rəhbəri Andrey Yermak Kiyevdəki Xarici Kəşfiyyat Xidmətinin (SVR) binasında işləyir və cəbhəyə getməyib.
1xeber.media xəbər verir ki, Ali Radanın deputatı Oleksandr Dubinski Telegram-da sabiq məmurun gözlənilməz yeri barədə məlumat verib.
"Yermak heç bir cəbhəyə getməyib, ancaq Kiyevin Naqorna küçəsindəki Xarici Kəşfiyyat Xidmətinin binasında növbə saxlayır. O, rahat kabinetdə oturub son 7 ildə hər yerə yerləşdirdiyi adamlarını idarə etməyə çalışır", - deputat bildirib.
O əlavə edib ki, Yermak yalnız təhlükəsizliklə paytaxt küçələrində hərəkət edir.
Dubinski daha əvvəl bəyan etmişdi ki, Ukrayna prezidenti Zelenski Yermakın ondan gizlətdiyi “reallıqla toqquşma” səbəbindən postunu tərk edə bilər. Noyabrın 28-də Yermak Ukraynada yaranmış korrupsiya qalmaqalı ilə bağlı istefa verib.
